Miðvikudagur, 17 október 2018
UNRIC logo - Íslenska

Sameinuðu þjóðirnar
á þínu máli

Ofbeldi gegn börnum kemur öllum við

DSG Amina Mohamed HM Queen Silvia End Violence Summit Stockholm Photo Yury Fedotov UNODC Twitter
14.febrúar 2018. Annað hvert barn í heiminum hefur orðið ofbeldi og 18 milljónir stúlkna á aldrinum 15 til 19 ára hafa orðið fyrir kynferðislegri misnotkun.

Þetta kom fram í dag á fyrstu alþjóðaráðstefnu háttsettra ráðamanna um ofbeldi gegn börnum sem haldin er í Stokkhólmi á vegum sænsku stjórnarinnar.  Ráðstefnuna sækja ráðherrar frá 75 ríkjum, háttsettir embætitismenn stofnana Sameinuðu þjóðanna, fulltrúar ungmenna, borgaralegs samfélags, háskólasamfélagsins, svo eitthvað sé nefnt.

„Ofbeldi gegn börnum kemur öllum við,“ sagði Amina Mohamed, vara-aðalframkvæmdastjóri Sameinuðu þjóðanna í opnunarræðu ráðstefnunnar. „Sumir kunna að halda að það sé eingöngu hlutverk ríkisstjórna og borgaralegs samfélags að uppræta ofebldi gegn börnum. En það krefst líka forystu atvinnulífsins að tryggja að heimurinn verði laus við ofbeldi, misnotkun, pyntingar og mansal barna.” Hún sagði að fyrirtæki ættu miklu hlutverki að gegna ekki síst með því að berjast gegn barnavinnu, barnaþrælkun og misnotkun.”

„Vonandi er þetta upphaf hreyfingar til þess að binda á hvers kyns ofbeldi gegn börnum,“ sagði Silvía Svíadrottning, sem lagði áherslu á mikilvægi fyrirbyggjandi aðgerða. „Ofbeldi gegn börnum er mannréttindamál, og er jafn mikilvægt mál og menntun, heilbrigði og næring.“

Stefan Löfven, forsætisráðherra Svía vitnaði til sinnar eigin reynslu í ræðu sinni. „Við höfum brugðist börnum í áranna rás, þegar þau hafa verið falin ofbeldisfullum fjölskyldum eða vondum barnaheimilium. En okkur hefur líka tekist að tryggja mörgum börnum betri og bjartari framtíð en nokkurn hefði órað,“ sagði Löfven. „Ég þekki það af eigin reynslu, því ég var eitt þessara barna. Þjóðfélagið greip inn í, þegar móðir mín gat ekki sinnt mér og ég fékk flutti til ástríkrar fósturfjölskyldu, og fékk tækifæri til að alast upp öruggur og sæl, tækifæri til aðstanda hér á meðal ykkar í dag.“

Veraldarleiðtogar hafa samþykkt að ná skúli 17 Heimsmarkmiðum um sjálfbæra þróun fyrir 2030 og er eitt undirmarkmiðanna að stöðva ofbeldi gegn drengjum og stúlkum um allan heim. Heimilisofbeldi er þó aðeins hluti af stærri mynd. Þannig er talið að 250 til 300 þúsund börn í heiminum séu þvinguð til herþjónustu á átakasvæðum í heiminum.

Virginia Gamba SRSG Stockholm End Violence Summit Photo Youtube„Börn eru notuð sem eldsneyti til að glæða loga átaka,“ segir Virginia Gamba, sérstakur fulltrúi aðalframkvæmdastjóra Sameinuðu þjóðanna um ofbeldi gegn börnum. „En aðgerðaáætlanir hafa skilað áþreifanlegum árangri og breytingar eru að verða til batnaðar. Starf okkar verður að miða við forvarnir þegar átök eru annars vegar. Það er hægt að koma í veg fyrir ofbeldi.“

Í júlí 2016 var Heimsbandalagi til að uppræta ofbeldi gegn börnum ýtt úr vör. Það er sameiginlegt frumkvæði UNICEF, Barnahjálpar Sameinuðu þjóðanna, WHO, Alþjóða heilbrigðismálastofnunarinnarIn og ýmissa ríkisstjórnar og hagsmunaaðila og er markmiðið nátengt Heimsmarkmiðunum um sjálfbæra þróun.

Ráðstsfnan er send út í beinni vefsendingu en hún stendur til 15.febrúar. Mynd: Amina Mohammad og Silvía drotting. Virginia Gamba. Af vefsíðu ráðstefnunnar.

Hér eru ýmsar krækjur tengdar málefninu:
Skýrsla UNICEF: “ Hidden in Plain Sight: A statistical analysis of violence against children”
WHO / INSPIRE: “Seven strategies for ending violence against children”
Skýrsla Pathfinder countries: “Ending legalised violence against children before 2030”

Myndband ráðstefnunnar í Stokkhólmi: https://www.youtube.com/watch?v=KjGgdb9cRbg

António Guterres:

Loftslagsbreytingar ógna tilveru okkar