Mánudagur, 24 nóvember 2014
UNRIC logo - Íslenska

Sameinuðu þjóðirnar
á þínu máli

Norðurlandabúi mánaðarins: Jan Mattsson

5. Nordic of the month

Svíinn Jan Mattsson, er forstjóri UNOPS, Skrifstofu verkefnaþjónustu Sameinuðu þjóðanna. Hann er ekki aðeins hokinn afreynslu sökum þess hversu lengi hann hefur unnið hjá samtökunum eða frá 1982, heldur einnig vegna þess hversu víða hann hefur komið við hjá þeim. Hann var áður aðstoðarframkvæmdastjóri samtakanna og stjórnandi hjá UNDP, auk þess að vinna hjá UNIDO, WFP, UNFPA og UNDCP í löndum á borð við Sri Lanka, Indlandi, Kína og Laos auk höfuðstöðvanna í New York.

Sem forstjóri UNOPS síðan 2006 lék hann stórt hlutverk í að koma á fót nýju "Sameinuðu þjóða borginni" í Kaupmannahöfn.

Þú hefur komið víða við síðan þú gekkst fyrst til liðs við samtökin árið 1982, hvers vegna vildirðu starfa fyrir Sameinuðu þjóðirnar?

Ég var strax í skóla áhugasamur um félagslegt réttlæti og starf Sameinuðu þjóðanna. Eftir að ég kláraði háskóla sótti ég um nokkur störf hjá SÞ. Ég man eftir því að í einu tilviki fékk ég bréf um að ég hefði verið valinn en ráðningu frestað ótímabundið vegna fjárhagserfiðleika. Loks fékk ég starf hjá Iðnþróunarsamtökum Sameinuðu þjóðanna (UNIDO) á Sri Lanka þegar ég var þrítugur. Þrjátíu árum síðar sé ég ekki eftir neinu! Hvert og eitt starf sem ég hef gegnt hjá SÞ hefur fært mér mikið. Mér hafa boðist nokkur störf utan SÞ en ekkert hefur staðist samanburð, ekki heldur betur launuð störf.

Hverjar eru mestu áskoranirnar á ferlinum?

Maður stendur alltaf frammi fyrir áskorunum þegar maður vinnur hjá SÞ og flestar eru af hinu góða því manni gefast tækifæri til að breyta hlutum til hins betra. Listinn er langur. Oftast nær þegar maður er vonsvikinn er það vegna óskýrs umboðs frá Öryggisráðinu eins og þessa dagana í Sýrlandi eða vegna þess að maður rekst á skriffinna hjá SÞ eða einstökum ríkisstjórnum sem hafa eigin hag að leiðarljósi.

Þú ert sænskur en vinnur hjá Sameinuðu þjóðunum í Kaupmannahöfn. Hafa Norðurlönd eitthvað sérstakt fram að færa til Sameinuðu þjóðanna?

Það kom mér á óvart þegar ég byrjaði hversu mikilvægt hlutverk Norðurlandanna er innan Sameinuðu þjóðanna, að ógleymdum sjóðunum og áætlunum þeirra. Þetta hefur ekkert breyst. Þau leika stærra hlutverk en stærð þeirra gefur til kynna, ekki aðeins hvað varðar fjárframlög heldur líka á forystusviði, í umbótum og nýjungum. Sem dæmi má nefna má rekja til þeirra lausnamiðaða og gagnsæja stjórnun auk kynja og sjálfbærnisjónarmiða innan þróunarsamvinnu.

Fyrir nokkrum dögum voru nýju höfðustöðvarnar í Kaupmannahöfn vígðar en þær hýsa 8 stofnanir samtakanna. Af þvi tilefni sagði framkvæmdastjóri samtakanna að þær væru "skínandi góð fyrirmynd" fyrir "skilvirkari, samræmdari og kolefnasnauðari" Sameinaðar þjóðir. Gætirðu sagt okkur meira um þetta?

Byrjum á því að byggingin sjálf er til fyrirmyndar hvað varðar nýtingu orku og þetta er sannarlega til fyrirmyndar, ekki síst fyrir UNOPS sem einblínir á sjálfbærni í verkefnastjórnun, sjálfbær mannvirki og sjálfbær innkaup. Ég er viss um aðrir starfsfélagar hjá hinum stofnunum eru jafn ánægðir með vistvæna þáttinn og hinar góðu starfsaðstæður. Og það eflir samvinnuna að vera undir sama þaki, átta stofnanir.

Hvernig sérðu Sameinuðu þjóðirnar fyrir þér eftir svona tvo áratugi?

Ég vonast eftir því að það verði meiri innri samræming og skilvirkni innan Sameinuðu þjóðanna og meiri samvinna við almannasamtök og einkageirann. Þetta er nauðsynlegt til þess að Sameinuðu þjóðirnar eigi áframhaldandi erindi í að glíma við áskoranir dagsins í dag og morgundagsins hvort heldur sem er í endurreisnarstarfi þegar friði hefur verið komið á, í mannúðaraðstoð eða í sjálfbærri þróun.

Allir eiga ömmu í Dyflinni

Allir eiga ömmu í Dyflinni

Júní 2014. Á yfirborðinu mætti ætla að heimsmeistarkeppni í fótbolta væri skýrt og sýnilegt dæmi um háværa tjáningu þjóðernishyggju. Nánar

7. hver jarðarbúi hleypur heimdraganum

7. hver jarðarbúi hleypur heimdraganum

Júní 2014. Fólk hefur alla tíð verið á faraldsfæti í heiminum hvort heldur sem er í leit að atvinnu, menntun, betra veðri eða auknum tækifærum fyrir börnin. Nánar

Barcelona eða dauðinn – leiðin langa til Evrópu

Barcelona eða dauðinn – leiðin langa til Evrópu

  Júní 2014. Nýleg stóraukning á komu innflytjenda til Ítalíu hefur verið sem olía á eld umræðunnar um sameiginlega landamæragæslu Evrópusambandsins. Nánar

Hátt gjald fyrir að senda peninga heim

Hátt gjald fyrir að senda peninga heim

Júní 2014. Á hverjum degi þarf fólk sem flust hefur til útlanda í atvinnuleit að finna leið til þess að senda fé til heimalandsins. Nánar

Frá Vålerenga til Warsheikh

Frá Vålerenga til Warsheikh

Júní 2014. Þegar Sómalir erlendis senda peninga heim til Sómalíu far þeir sjaldnast í banka. Nánar

Norðurlandabúi mánaðarins: Åsa Andersson

Norðurlandabúi mánaðarins: Åsa Andersson

Júní 2014. Norðurlandabúi mánaðarins að þessu sinni er reynslubolti á vettvangi Sameinuðu þjóðanna. Åsa Andersson er alþjóðlegur þróunarsérfræðingur sem hefur meir en 20 ára reynslu af starfi við... Nánar

Myndband vikunnar:

Alþjóðlegur baráttudagur gegn kynbundnu ofbeldi,  25. nóvember

Brot úr verkefninu 7 milljarðar annara. Samstarf UNRIC og Good Planet Foundation

 

 

 

 

 

Auglýsing
Auglýsing
Auglýsing
Auglýsing