Laugardagur, 25 október 2014
UNRIC logo - Íslenska

Sameinuðu þjóðirnar
á þínu máli

UNEP: Norðurheimskautið í hættu

Greenland

Hvatt er til skilvirkrar stjórnunar og varúðar nú er kapphlaup virðist framundan um auðlindir Norðurskautsins ef takast á að vernda viðkvæmt umhverfið.

Þetta er helsta niðurstaða nýútkominnar Árbókar Umhverfisáætlunar Sameinuðu þjóðanna (UN Environment Programme´s Year Book 2013).

 Sumarísinn á Norður heimskautinu hefur minnkað óðfluga undanfarin ár og met var slegið er hann þakti aðeins 3.4 millljónir ferkílómetra um miðjan september 2012. Það er 18% minna en fyrra sögulega lágmark 2007 og 50% minna en en meðatal níunda og tíunda áratuga 20. aldar. Ís á landi hefur einnig hopað og sífreri þiðnað.

Aðgangur að auðlindum, svo sem gasi og olíu hefur batnað eftir því sem ís og jöklar hopa og því hafa margs konar framkvæmdir aukist og ógna viðkvæmu vistkerfi og dýralífi, segir í skýrslunni.

“Við stöndum nú frammi fyrir því að bráðnun íssins hefur komið af stað kapphlaupi um sömu orkugjafa og ollu bráðnuninni upphaflega,” bendir Achim Steinar forstjóri UNEP á.

Jarðfræðirannsóknastofnun Bandaríkjastjórnar telur að 30% ónýttra birgða jarðgas í heiminum sé að finna á Norðurheimskautinu aðallega undir hafsbotni.

Siglingaleiðir eru einnig að opnast hluta ársins bæði fyrir norðan Rússland (Norðurleiðin) og norðan Kanda (Norðvesturleiðin).Sum ríki telja að Norðurleiðin muni verða sannkölluð “hraðbraut” og spá 40 faldri aukningu skipaumferðar árið 2020. Norðurheimsskautið gæti orðið íslaust um næstu aldamót, árið 2100 en því er oftast spáð að slík geti orðið raunin hluta úr ári fyrir 2035.

Að auki er líklegt að fiskveiðar muni glæðast, þegar ýmsar fisktegundir leita norður, einkum Atlantshafs- og Kyrrahafsþorskur. Samkvæmt einni rannsókn má búast við því að fiskafli á norðurslóðum, þar á meðal á Norðurskautinu aukist um 30 til 70 prósent.

Norðurskautsráðið hefur að mati skýrsluhöfunda miklu hlutverki að gegna í að tryggja ábyrga nýtingu auðlinda. Ísland er meðlimur í ráðinu ásamt Bandaríkjunum. Danmörku (Grænlandi), Finnlandi, Kanada, Noregi og Rússlandi.

Til lengri tíma litið ber að hafa mestar áhyggjur af Grænlandi en bráðnun Grænlandsíssins hefði í för með sér sjö metra hækkun yfirborðs sjávar í heiminum. Engin hætta er þó á slíku í bráð enda tæki bráðnunin margar aldir miðað við núverandi hlýnun jarðar.

Engu að síður hefur bráðnunin aukist hratt og hugsanlega eru núverandi spár of varkárar. Bráðnun Grænlandsíssins og þiðnun sífrera gæti haft meiri háttar afleiðingar á veðurkerfi alls heimsins.

Allir eiga ömmu í Dyflinni

Allir eiga ömmu í Dyflinni

Júní 2014. Á yfirborðinu mætti ætla að heimsmeistarkeppni í fótbolta væri skýrt og sýnilegt dæmi um háværa tjáningu þjóðernishyggju. Nánar

7. hver jarðarbúi hleypur heimdraganum

7. hver jarðarbúi hleypur heimdraganum

Júní 2014. Fólk hefur alla tíð verið á faraldsfæti í heiminum hvort heldur sem er í leit að atvinnu, menntun, betra veðri eða auknum tækifærum fyrir börnin. Nánar

Barcelona eða dauðinn – leiðin langa til Evrópu

Barcelona eða dauðinn – leiðin langa til Evrópu

  Júní 2014. Nýleg stóraukning á komu innflytjenda til Ítalíu hefur verið sem olía á eld umræðunnar um sameiginlega landamæragæslu Evrópusambandsins. Nánar

Hátt gjald fyrir að senda peninga heim

Hátt gjald fyrir að senda peninga heim

Júní 2014. Á hverjum degi þarf fólk sem flust hefur til útlanda í atvinnuleit að finna leið til þess að senda fé til heimalandsins. Nánar

Frá Vålerenga til Warsheikh

Frá Vålerenga til Warsheikh

Júní 2014. Þegar Sómalir erlendis senda peninga heim til Sómalíu far þeir sjaldnast í banka. Nánar

Norðurlandabúi mánaðarins: Åsa Andersson

Norðurlandabúi mánaðarins: Åsa Andersson

Júní 2014. Norðurlandabúi mánaðarins að þessu sinni er reynslubolti á vettvangi Sameinuðu þjóðanna. Åsa Andersson er alþjóðlegur þróunarsérfræðingur sem hefur meir en 20 ára reynslu af starfi við... Nánar

500 days left - let's step up #MDGmomentum!

Auglýsing
Auglýsing
Auglýsing
Auglýsing