Mánudagur, 20 nóvember 2017
UNRIC logo - Íslenska

Sameinuðu þjóðirnar
á þínu máli

Forsetafrúin heimsækir griðastaði UN Women í Zaatar

ElizaReid 1

 8.nóvember 2017. iUN Women á Íslandi hefur söfnunarátak fyrir konur og stúlkur á flótta frá Sýrlandi. Eliza Reid, forsetafrú Íslands og  Eva María Jónsdóttir, verndari UN Women á Íslandi heimsóttu griðastaði UN Women í Zaatari flóttamannabúðunum í Jórdaníu.

UNwomensöfnun1Á griðastöðunum eru konur öruggar, fá atvinnutækifæri, menntun og daggæslu fyrir börn sín.Konur og stúlkur í Zaatari flóttamannabúðunum búa við grimman veruleika. Flestar konur í búðunum eru margra barna mæður sem sárlega þurfa vernd, öryggi og stuðning til að koma undir sig fótunum á ný. 

Um 80 þúsund Sýrlendingar dvelja í Zaatari eftir að hafa flúið stríðsátök og ofbeldi í heimalandi sínu. Búðirnar eru þær næststærstu í heiminum og jafnframt eru þær fjórða fjölmennasta borg Jórdaníu.Konur og börn eru um 80% íbúa í Zaatari og eiga erfitt uppdráttar í búðunum.

Það er staðreynd að konur og stúlkur á flótta eiga í meiri hættu á að verða fyrir kynferðislegri áreitni og kynbundnu ofbeldi. Flestar konur í Zaatari hafa orðið fyrir skelfilegum áföllum; misst börn sín, maka og ástvini og glíma við áfallastreituröskun, þunglyndi og einangrun. Margar þeirra eru ekkjur og einstæðar mæður. 

Til að sporna við ofbeldinu, aukningu barnahjónabanda og fátækt í flóttamannabúðunum starfrækir UN Women þrjá griðastaði fyrir konur og stúlkur. Þar eru konur og stúlkur óhultar fyrir ofbeldi, fá atvinnutækifæri, menntun og börnin daggæslu, þarUNWomensöfnun2 fá konur einnig sálrænan stuðning eftir áföll og ofbeldi. Þökk sé griðastöðum UN Women geta konur lifað með reisn og virðingu í erfiðum aðstæðum. Aðsóknin í griðastaði UN Women er gríðarleg og eru hundruð kvenna eru á biðlista eftir að komast að.

Til að byggja upp griðastaði UN Women þarf aukið fjármagn og þess vegna þurfa konur og stúlkur í Zaatari á þinni hjálp að halda! Alvogen er bakhjarl herferðar UN Women á Íslandi og gerði samtökunum kleift að heimsækja griðastaði UN Women í Zaatari flóttamannabúðunum.Hafðu áhrifSendu sms-ið KONUR í 1900 og veittu sýrlenskum konum á flótta atvinnu, öruggt skjól og nýtt upphaf

Vissir þú að?

• 1 af hverjum 3 konum í Zaatari búðunum hefur verið gift á barnsaldri

• Konur og stúlkur í Zaatari eru berskjaldaðar fyrir ofbeldi

 • Fimmta hver kona í Zaatari búðunum er fyrirvinna fjölskyldunnar

• Atvinnutækifæri fyrir konur í Zaatari eru sárafá

Loftslagsráðstefnan COP23 er hafin!