Mánudagur, 20 nóvember 2017
UNRIC logo - Íslenska

Sameinuðu þjóðirnar
á þínu máli

Iceland Airwaves og SÞ taka höndum saman

Kaaryn1

 30.október 2017. Tónlistarhátíðin Iceland Airwaves og Sameinuðu þjóðirnar hafa tekið höndum saman til stuðnings átaki í þágu farand- og flóttafólks og gegn útlendingahatri og mismunun. 

Átakið nefnist Saman eða Together og var ýtt úr vör af aðildarríkjum Sameinuðu þjóðanna, þar á meðal Íslandi, á sérstökum leiðtogafundi samtakanna í september 2016.Together Logo ICELANDIC

 „Það er okkur hjá Iceland Airwaves mikil ánægja að gerast aðilar að þessu átaki. Okkur er málið skylt enda eru margir þeirra listamanna sem koma fram á hátíðinni úr hópi þessa fólks,“ segir Grímur Atlason, framkvæmdastjóri Iceland Airwaves. 

IA logo variations 2017 1Tilgangur Saman er að efla virðingu, öryggi og reisn flóttamanna og farandfólks.  Undanfarin tvö ár hafa aðildarríki, einkageirinn, borgaralegt samfélag og einstaklingar fylkt liði undir merki átaksins í því skyni að breyta neikvæðri umræðu um fólksflutninga og efla félagslega samheldni á milli gistiríkja og flóttamanna og farandfólks.

 Iceland Airvwaves hátíðn hefst 1.óvember og stendur til 5.nóvember. Ein helsta stjarna hátíðarinnar Lido Pimienta, er fædd í Kólombíu og á rætur að rekja bæði til afrískra Kólombíumanna og Indíana, en hún býr í Kanada.  Breski söngvarinn Micahel Kiwanyuka er Úgandamaður að uppruna en foreldrar hans flúðu ógnarstjórn einræðisherrans Idi Amin til Bretlands. Landi hans, söngkonan Nilüfer Yanya er svo af tyrknesku bergi Lido1brotin og bandaríska listakonan Káryyn er af sýrlensk-armenskum uppruna .

„Við Íslendingar þekkjum vel jákvætt framlag flótta- og farandfólks  á íslenskt samfélag og ekki síst íslenska tónlist og menningu,“ segir Árni Snævarr, upplýsingafulltrúi Sameinuðu þjóðanna. „Það nægir að nefna  allt það hæfileikafólk sem flúði til Íslands fyrir síðari heimsstyrjöldin, að ekki sé minnst á Vladimir Azhkenazy.“ 

 „Fólk á faraldsfæti hefur líka settst hér að og auðgað menningu okkar.  Það væri að æra óstöðugan að nefna alla.  Þeir bræður Toli og Bubbi Morthens eru þannig danskir í móðurættina, og nær okkur í tíma eru hinir hálf-angólsku  Stefánssynir í  Retro Stefson , auk þess sem John Grant heiðrar okkur með búsetu sinni.  Og í myndlistinni skulum við ekki gleyma Svisslendingnum Dieter  Roth, Barböru Árnason hinni bresku og Katalónanum Baltasar Samper sem hefur átt hér glæstan listaferil sem og ættbogi hans allur í myndlist, kvikmyndagerð og leikhúsi.“

Sjá nánar um Together hér og ræða utanríkisráðherra Íslands á leiðtogafundi um flóttamenn og farandfólk hér. 

Loftslagsráðstefnan COP23 er hafin!