Laugardagur, 01 nóvember 2014
UNRIC logo - Íslenska

Sameinuðu þjóðirnar
á þínu máli

Ban: “Steypum harðstjórn óbreytts ástands”

Ban

23. janúar 2013. Ban Ki-moon, framkvæmdastjóri Sameinuðu þjóðanna segir að engu sé líkara en leiðtogar heimsins hafi sett á “sjálfsstýringu” og hvatti til þess að steypt yrði af stóli “harðstjórn óbreytts ástands” til þess að árangur mætti nást á árinu 2013.
Ban lét þessi orð falla í fyrsta ávarpi sínu á árinu á Allsherjarþingi Sameinuðu þjóðanna.

Hann hvatti til nýstárlegra aðgerða til þess að takast á við hinar mörgu áskoranir sem heimurinn stæði andspænis, og lagði áherslu á að sömu gömlu úrræðin (“business as usual”) dygðu ekki til. Hann nefndi sérstaklega sameiginleg markmið á borð við sjálfbæra þróun, afvopnun og átakalausn sem mikilvægustu málin.  
“Mín innilega von og okkar sameiginlega brýna þörf er sú að því linni að við veltumst á milli vandamála, og tökumst á við eitt sjúkdómseinkenni eftir annað í þess að takast á við undirliggjandi orsakir og samhengi og viðurkennum að margar aðferða okkar eru gallaðar,” sagði Ban í ræðu sinni.  
Hann sagði að of oft væru ríkisstjórnir og alþjóðlegar stofnanir á “sjálfstýringu”.

“Málefni eru í einangruðum farvegi; ekkert er hafst að fyrr en í óefni er komið þótt ölum megi vera ljóst hvert stefni og allt í nafni þess að “svona hefur alltaf verið gert”, eða vegna þess að raunverulegar breytingar eru taldar of dýrar eða óraunsækjar eða að hagsmunaaðilar hafa kverkatak á löggjafarvaldi,” sagði hann.

 “Tími þess að hjakka í sama farinu er liðinn og við verðum að losa um aðra bremsu sem hamlar sameiginlegri framþróun okkar: við verðum að steypa harðstjórn óbreytts ástands.”
Fyrst af öllu hvatti Ban aðildarríkin til þess að láta rausnarlega fé af hendi rakna á ráðstefnu um mannúðaraðstoð við Sýrlendinga sem hefst í næstu viku í Kuwait. Mannúðarsamfélagið fer þar fram á einn og hálfan milljarð Bandaríkjadala til þess að aðstoða milljónir þurfandi manna næsta hálfa árið.

 “Við verðum að gera allt sem í okkar valdi stendur í þágu þurfandi Sýrlendinga. Við verðum að tvíefla viðleitni okkar til að binda á ofbeldið, og yfirstíga klofninginn í Sýrlandi, heimshlutanum og Öryggisráðinu,” sagði hann og benti á að nú væri við mesta fjölda flóttamanna í Sýrlandi og annars staðar í heiminum, að glíma frá því í Kosovostríðinu fyrir 13 árum.
Hann sagði að á nýbyrjuðu ári þyrfti að “endurskoða aðkomu okkar” að málefnum Kongó, bjarga tveggja-ríkja lausninni og friðarferli Ísraela og Palestínumanna, efla verndarskylduna, kjarnorkuafvopnun og fleira.
 
Þá nefndi hann áframhaldandi átak í sjálfbærri þróun, og herferðir til höfuðs ofbeldi vegna kynhneigðar og gegn kynbundnu ofbeldi.
 Á blaðamannafundi að ræðunni lokinni sagði framkvæmdastjórinn: “Ég óttast að í mörgum af þessum málum séum við á slíkri leið að fólk muni spyrja sig eftir einn eða tvo áratugi, hvers vegna og vegna hvaða þröngra hagsmuna, hafi leiðtogarnir ekki greint hvað var okkur öllum fyrir bestu.”

500 days left - let's step up #MDGmomentum!

Auglýsing
Auglýsing
Auglýsing
Auglýsing